Apr 18, 2018

Chou 3amleen 3al intikhabeit? :)


This blogpost will be written in “chatting Arabic” because it addressed the local parliamentary elections and I chose to write it in a way that fits the subject.

----------------------------------



                         


Ana 3omre 34 siné w ma bifham bil siyésé. Khli2it bil 7areb wa2ta keno el 2azeyif 3am byenzalo min kill el mayleit w kholsit el 7areb w wa2ta jarrabit ifham bein meen w meen kenit, fhimit anno kenit bein el kill, wil kill.  El kill atal el “tenyeen”, el kill 7arab “holeek”, w ahamma chi: el kill ribi7!

Kholsit el 7areb w sar 3inna chi ismo balad. Balad mibné 3a a7zeib… hole el a7zeib hinne nafsoun el milishyeit elli keno 3am bi7arbo ba3doun. Ba3doun nafes el 3alam, 7amleen nafes el slei7 (bass bil serr) w bye7ko bi nafes el manti2 (manti2 el 7areb), w jeyeen yebno chi ismo balad.

Ana kint zghiré, kint 2it2assar ktir bil 7aké elli 7awalayyé w madrasté w as7abé w kint kill fatra “onghorim” bi za3eem siyésé m3ayyan, 2o2ra ossass el 7areb min kitoub 7ezbo w 7ebbo… irja3 ba3ed fatra 7ebb 7ada tené la2anno la bifham bil siyéssé wala ba3ref el 7a2i2a.

Ana kborit. W ba3edné ma bifham bil siyésé (aw bifham bass b2oul ma bifham la ma 7ada ysheri3ne bi wala mawdou3). Kborit w sirit chouf….

Ana lyom 3omré 34 siné… ye3ne el a7zeib w nouweboun w wledoun w a7beiboun sarloun 30 siné 7ekmeen el balad.  W ana lyom kbirit w sirit chouf. 3am bchouf anno el mouwaten ma 3indo adna 72ou2o el madaniyyé – la 3indo daman so7é wala shaykhoukha, wala 3indo 7orriyit ta3bir, wala 3indo 7orriyeit intime2at chakhsiyyé.  3am bchouf kamein anno a3ras el 3aylé wil as7ab 3am tin3amal bi obrous aw bil younein la2anno ma 3inna 2anoun madané byesma7 la absat 72ou2 el mouwatin el madaniyyé elli hiyyé zaweij madané (w ya reit el mitdayneen ma yekhelto el 7a2 el madané bil wejbeit el diniyyé, ana mitdayné w ba3ref dine chou bi2oul. Bass el 7a2, 7a2!).

La7za… n2ata3it el kahraba… n2ata3it ma3 anno min “midré keim siné” 2aloulna anno el kahraba “ba3ed keim siné” rah tseer 24/7.

Wein kinna?

Ah eh! Anno ana kbirit w sirit chouf… sirt chouf anno el maderis bil libnein aghla min 2soutat el jem3at barra w anno fi ktir 3alam ma 3am bitkaffé 3ilma la2anno mish edra mediyyan (w la2, fi 3alam mish edra tichtighil w tit3allam bi nafes el wa2et la2anno fi 3iyal w ahel ma byeklo wala byekhdo el dawa iza hinné dafa3o 2soutat jem3atoun!).

Kbirit w sirt chouf sahibté tirkoub min deyra la deyra la ta3mil “ikamé” la wleida el europiyyé la y3isho bi libnein… eh! ma el manti2 heik bi2oul! Mintalli3 ikameit la wleid libneniyyé w mnotloub sijjil 3adlé bein el wra2 kamein…. Bta3erfo, barke hal walad kein 7amil sikkin w atal chi 7akim houwé w 3am yekhla2!

Kbirit w sirt chouf anno el zbélé mtalléyé el balad wil ba7er w sar kill yawmein yotla3lé binit aw chabb wala a7la 3al social media, 3am bi7areb marad el saratan, w 3am byed3é el chabeib yintibho 3al so7itoun… mitil ka2anno bi2idoun yintibho… chou bya3imlo Matalan? Bye2ta3o nafas?

Kbirit w sirit chouf. Sirit chouf 7alé khayfé… khayfé ybayyin 3indé “haydeik el marad” min wara el araf elli 3ayshé fi, khayfé oskhoun w ma ykoun fiyyé fout 3al nistachfa, khayfé itjawaz w ma ykoun fiyyé bee3 kiliwté la 3allim wledé w khayfé okbar, 3al 3atem, w tekoul jismé el amrad la2anno ma fi sa2ef ye7miné, wala dawlé tilifit fiyyé.

Iza baddé kaffé, ma bekhlass… kissarat, tor2at, ba7er mlawas, naheb, i7tiyeil, wassayit, illit achgheil, mhajjareen, nez7een, illit tonzeem… ma bekhlas wala into btokhlaso.

W badkoun ta3erfo chou elli bye2har ba3ed aktar?

El a7zeib elli nezleen de3ayeit la baramijoun el siyesiyyé elli hiyyé hiyyé w ma tghayyarit, w mitwa23een el sha3eb ysaddi2oun w yintikhibloun 3a aseis barke hal marra bya3imlo chi jdeed wil natijé bitkoun gheir…

Bass la7za!

Badkoun ta3erfo elli ba3ed adrab? Elli byejra7 w bibakké kill chabb w sabiyyé bye7lamo anno libnein yseer balad 3lei el 2ader wil 2imé?

Mish el a7zeib. La2. El cha3eb. El cha3eb elli rayi7 yintikhib nafes el 3alam w nafes el a7zeib w msadda2 anno hal marra rah tkoun el natijé jdidé.





Ntekhbo....







Ntekhbo la2anno sar badda teghyeer ya jamé3a. Ntekhbo 3alam jdidé. Ghayro el “equipe” killo sawa barké byet7assan el balad.

La2anno sar badda!
(hayda mish shi3ar siyésé hon….)

Sar badda wasta la ti2tin3o tintikhbo nouweib jdeid la kill libnein. Barke. Bass barke… libnein yseer balad byen7asad 3lei cha3bo w 3an jadd y3ouz kharzé zar2a te7mi min el 3ein!

No comments:

Post a Comment